Լիպոլիտիկներ․ ի՞նչ են դրանք և ինչպե՞ս են օգնում նվազեցնել ճարպային կուտակումները

Լիպոլիտիկները ժամանակակից ներարկային պրեպարատներ են, որոնք կիրառվում են էսթետիկ բժշկության մեջ՝ տեղային ճարպային կուտակումների նվազեցման համար՝ առանց վիրահատական միջամտության։

Այս մեթոդը լայնորեն կիրառվում է կոսմետոլոգիայում և թույլ է տալիս ձևավորել մարմնի և դեմքի այն հատվածները, որտեղ ճարպը դժվար է նվազում սննդակարգի և ֆիզիկական ակտիվության միջոցով։

Ինչպե՞ս են գործում լիպոլիտիկները

Լիպոլիտիկ ներարկումները կատարվում են խնդրահարույց գոտիներում։ Պրեպարատի ակտիվ նյութերը քայքայում են ճարպային բջիջների թաղանթները, ինչի արդյունքում դրանց պարունակությունը բնական ճանապարհով դուրս է գալիս օրգանիզմից՝ լիմֆատիկ համակարգի և լյարդի միջոցով։

Արդյունքում՝

• նվազում է ճարպային շերտի ծավալը

• բարելավվում են մարմնի կամ դեմքի կոնտուրները

• ակտիվանում են նյութափոխանակության գործընթացները

Այս մեթոդը նախատեսված է միայն տեղային ազդեցության համար և չի հանդիսանում ընդհանուր նիհարեցման միջոց։

Ո՞ր հատվածներն է հնարավոր շտկել լիպոլիտիկների միջոցով

Լիպոլիտիկները արդյունավետ են հետևյալ հատվածների շտկման համար՝

• ճակատ

• կզակ (ներառյալ՝ կրկնակի կզակ)

• որովայն

• կողային ծալքեր

• ազդրերի ներքին և արտաքին հատվածներ

• հետույք

• ծնկներ

• մեջք

• ձեռքեր

Դեղորայքի ընտրությունն ու ազդեցության գոտին որոշվում են մասնագետի կողմից՝ անհատապես։

Լիպոլիտիկների տեսակները

Կոսմետոլոգիայում առանձնացնում են լիպոլիտիկների երկու հիմնական տեսակ՝

🔹 Ուղիղ (ուղղակի) լիպոլիտիկներ

• ամբողջությամբ քայքայում են ճարպային բջիջները

• հիմնականում կիրառվում են մարմնի շտկման համար

• պրոցեդուրայից հետո հնարավոր են կարմրություն և այտուց

• ապահովում են ավելի արտահայտված արդյունք

🔹 Անուղղակի լիպոլիտիկներ

• արագացնում են ճարպերի նյութափոխանակությունը

• բարելավում են միկրոշրջանառությունը

• առավել հաճախ կիրառվում են դեմքի շտկման համար

• ունեն ավելի մեղմ և աստիճանական ազդեցություն

Լիպոլիտիկի տեսակի ընտրությունը կախված է ազդեցության գոտուց, ճարպային շերտի ծավալից և ակնկալվող արդյունքից։

Պրոցեդուրաների քանակը և արդյունքի տևողությունը

Սովորաբար լիպոլիտիկների կուրսը ներառում է 3–6 պրոցեդուրա՝ մասնագետի կողմից սահմանված ընդմիջումներով։

Արդյունքը պահպանվում է 6–12 ամիս, պայմանով, որ

• պահպանվում է առողջ սննդակարգ

• կա ֆիզիկական ակտիվություն

• կիրառվում են լրացուցիչ կոսմետոլոգիական մեթոդներ

  
  

Elvimed բժշկական կենտրոնում կիրառվում են միայն սերտիֆիկացված պրեպարատներ, իսկ պրոցեդուրաներն իրականացվում են փորձառու մասնագետների կողմից՝ հաշվի առնելով յուրաքանչյուր այցելուի անհատական առանձնահատկությունները։

Պրոցեդուրայից առաջ պարտադիր է մասնագիտական խորհրդատվությունը։