Խալերի տեսակները․ ի՞նչ անել խալը վնասելու դեպքում

Խալերը (նևուսները) մաշկի բարորակ գոյացություններ են, որոնք սովորաբար վտանգ չեն ներկայացնում։ Սակայն լինում են դեպքեր, երբ խալը վնասվում է հագուստի, զարդերի կամ եղունգների հետ շփման հետևանքով։

Սա կարող է անհանգստություն առաջացնել, քանի որ շատերը կարծում են, թե խալի վնասումը միշտ վտանգավոր է։

Խալի վնասման հիմնական հետևանքներն են․ թեթև կամ երբեմն ավելի առատ արյունահոսություն, բորբոքում և կարմրություն վնասված հատվածում, ցավ կամ քոր վնասված տեղում։ Չնայած այս նշաններին՝ խուճապի պատճառ չկա։

Ի՞նչ անել խալը պատահաբար վնասելուց անմիջապես հետո։

1. Մշակեք վնասված մակերեսը հակասեպտիկով (քլորհեքսիդին, ջրածնի պերօքսիդ):

2. Փակեք վնասված հատվածը ստերիլ վիրակապով:

3. Հաջորդ օրերին մշակեք մակերեսը վերականգնող կրեմով (դեքսպանթենոլ, ցինկ պարունակող կրեմներ)

4. Դիմեք մաշկաբանի՝ դերմատոսկոպիկ քննության իրականացման համար։

Խալերը մելանոցիտների բարորակ նեոպլազիա է։ Տարբերակվում են բնածին և ձեքբերովի նևուսներ ( խալեր )

• Բնածին նևուսներ

  • Փոքր՝ < 1.5 սմ

  • Միջին՝ 1.5–19.9 սմ

  • Մեծ կամ հսկա՝ ≥ 20 սմ

• Սահմանային նևուս՝ շագանակագույն, նուրբ պիգմենտային ցանցով

• Դիսպլաստիկ նևուս՝ ասիմետրիկ, տարբեր գույների, անկանոն եզրագծերով

• Երկնագույն նևուս՝ կապույտից մինչև մոխրագույն, հարթ կամ գմբեթաձև

• Միշերի նևուս՝ մարմնագույն, սովորաբար ամուր է, կլոր, հարթ, աղվամազերով խալ է, որը հանդիպում է դեմքին, տարիքին զուգընթաց չափսերը մեծանում են։

• Ուննայի նևուս՝ փափուկ, շագանակագույն խալ, որը նման են Միշերինևուսին: Դրանք սովորաբար տեղակայվում են իրանին։

• Մեյերսոնի նևուս՝ Էկզեմատիզացված խալ է, բնորոշվում է քորի և խալի փոփոխության առաջացմամբ։

• Հալո նևուս՝ խալ է, որի շուրջը առկա է դեպիգմենտացված օղ: Ժամանակի ընթացքում կենտրոնում գտնվող խալը կարող է սկսել գունաթափվել, շագանակագույնից մինչև վարդագույն՝ նախքան ամբողջովին անհետանալը։

• Շպիցի նևուս՝ մաշկից բարձր, վարդագույն, գմբեթավոր խալ է, որը սովորաբար առաջանում է մինչև 20 տարեկանը։

• Ռիդի նևուս՝ Շպիցի նևուսի գունակավորված տարբերակն է, այն առավել հավասար է մաշկին։ Հանդիպում է մուգ շագանակագույն կամ սև: Այս խալերը կարող են արագ աճել և նմանվել մելանոմայի։

• Ճարպային նևուս՝ տարածված մաշկային համարտոմա է՝ տեղակայված գլխին կամ պարանոցին: Այն զարգանում է վաղ մանկության շրջանում, դեղնավուն-նարնջագույն, մաշկից բարձր օջախի ձևով։

• Օտայի և Իտոյի նևուսներ՝ մաշկային մելանոցիտոզի հազվադեպ հանդիպող ձևեր են։

Ե՞րբ դիմել բժշկի

• Եթե խալը փոխել է գույնը կամ դարձել է անհարթ:

• Տեղի է ունեցել չափի արագ աճ:

• Եզրերը դարձել են անհարթ  և անկանոն

• Առաջացել է ուժեղ քոր, այրոց կամ ցավ:

• Խալը հաճախ վնասվում է նույն տեղում, ինչը շատ հազվադեպ դեպքերում բերում է  պաթոլոգիական պրոցեսների ակտիվացում (օրինակ՝ մելանոմայի վերածում):

Elvi Med մաշկաբանական նորարարական կենտրոնում իրականացվում են մելանոմայի վաղ հայտնաբերում և կանխարգելում, խալերի և մաշկի այլ գոյացությունների դերմատոսկոպիկ ախտորոշում։ Կենտրոնը հանդիսանում է FotoFinder- ի բացառիկ ներկայացուցիչը Հայաստանում և տարածաշրջանում։ 

FotoFinder-ը գերմանական ընկերություն է, որն ավելի քան 20 տարի մշակում է տարբեր լուծումներ մաշկի մակերեսի պատկերման ոլորտում և հանդիսանում  է թվային դերմատոսկոպիայի համաշխարհային առաջատարը։