BioRePeel: Ինովացիոն իտալական պիլինգ՝ նոր սերնդի խնամք

BioRePeel-ը ինովացիոն իտալական պիլինգ է, որը դասվում է պիլինգների նոր սերնդի շարքին։ Այն ոչ միայն պարունակում է արտոնագրված թթուների լուծույթներ, այլև ունի ակտիվ բիոռևիտալիզացնող բաղադրիչներ, որոնք համալիր ազդեցություն են ապահովում՝ շերտազատելով, սպիտակեցնելով և երիտասարդացնելով մաշկը։

Զգալի ազդեցություն և մինիմալ շերտազատում

BioRePeel պիլինգը չափազանց նուրբ և խնայող ազդեցություն ունի։ Այն չի առաջացնում լուրջ անհանգստություն և չի պահանջում փոփոխություններ Ձեր սովորական կյանքի ռիթմում։ Դուք կնկատեք միայն թեթև շերտազատում 3-5-րդ օրերին։

BioRePeel պիլինգը կատարվում է երկու փուլով, որոնցից յուրաքանչյուր ունի իր կարևորագույն դերը։

1-ին փուլ (Հիդրոֆիլ ֆազա)

Այս փուլը պարունակում է թթուներ և վիտամիններ, որոնք պատասխանատու են մաշկի վիճակի բարելավման և երիտասարդացման գործընթացների գործարկման համար:

• Եռքլորքացախաթթու (Trichloroacetic Acid)

• Կիտրոնաթթու

• Գինեթթու

• Սալիցիլաթթու

• Վիտամիններ

2-րդ փուլ (Լիպոֆիլ ֆազա)

Այս փուլը (վիտամիններ և ակտիվ նյութեր) պատասխանատու է մաշկի խորը խոնավացման և հիդրո-լիպիդային պատնեշի վերականգնման համար։ Այն ապահովում է բաղադրիչների առավելագույն խորը ներթափանցում, նվազեցնում խոնավության կորուստը և վերականգնում մաշկի պաշտպանական հատկությունները։

BioRePeel-ի կիրառման ցուցումները

BioRePeel-ը լուծում է մաշկի բազմաթիվ խնդիրներ.

• ծերացման նշաններ

• չոր, ջրազրկված մաշկ

• լայնացած ծակոտիներ

• ակնե

• պոստ-ակնե (բծեր և սպիներ)

Ինչպե՞ս է աշխատում BioRePeel-ը

Պիլինգը խթանում է ֆիբրոբլաստները, ակտիվացնում մաշկի աճի և բիոսինթեզի գործընթացները, ուժեղացնում բջիջների վերականգնումը, նվազեցնում կնճիռների խորությունը, ապահովում լիֆթինգ և մաշկի ընդհանուր թարմացում, ինչպես նաև չեզոքացնում ազատ ռադիկալների ազդեցությունը։

Պիլինգի կիրառման կարգը և արդյունքը

• Պրոցեդուրաներ. Կատարվում է 7-10 օր ընդմիջումով։

• Կուրս. 3-ից 4 պրոցեդուրա։

• Հետխնամք. Պրոցեդուրայից հետո մեկ շաբաթվա ընթացքում մի այցելեք շոգեբաղնիք, սաունա և սոլյարի։

• Արդյունքի տևողություն. Էֆեկտը պահպանվում է 4-ից մինչև 6 ամիս։ Տևողությունը կախված է մի շարք գործոններից, ինչպիսիք են տարիքը, մաշկի տեսակը և հետպրոցեդուրային խնամքը։

Կարևոր է․ Պրոցեդուրան կարելի է կիրառել տարվա ցանկացած եղանակին՝ պարտադիր արևապաշտպանի կիրառմամբ (SPF)։

BioRePeel պիլինգը հիանալի կերպով համադրվում է մաշկի խնամքի այլ պրոցեդուրաների հետ, ինչպիսին են բիոռևիտալիզացիան, մաշկի մաքրումը, Hydrafacial-ը, միկրոտոկերը, IPL թերապիան, միկրոնիդլինգը, պլազմաթերապիան և բոտուլոտոքսինի ներարկումը։

Ինդիվիդուալ խնամք Elvi Med կենտրոնում

Elvi Med մաշկաբանական նորարարական կենտրոնում յուրաքանչյուր դեպքում կազմվում է անհատական խնամքի պլան յուրաքանչյուր այցելուի համար՝ հիմնված մաշկի առանձնահատկությունների և ցանկալի արդյունքի վրա։

Գրանցվե՛ք խորհրդատվության և բացահայտե՛ք BioRePeel-ի ազդեցությունը ձեր մաշկի վրա։