Եթե ցանկանում եք նվազեցնել տեղային ճարպային կուտակումների և ցելյուլիտի արտահայտվածությունը, բարելավել մաշկի ձգվածությունն ու մարմնի ուրվագծերը ոչ վիրահատական եղանակով, Elvi Med կլինիկան առաջարկում է Power Shape բազմաֆունկցիոնալ սարքավորմամբ մարմնի մոդելավորման պրոցեդուրաներ։

Power Shape համակարգը համատեղում է մի քանի տեխնոլոգիա՝ ռադիոհաճախականային (RF) ազդեցություն, սառը լազերային լիպոլիզ և վակուում-գլանակային մերսում։ Տեխնոլոգիաների համակցված կիրառումը հնարավորություն է տալիս միաժամանակ աշխատել տեղային ճարպային կուտակումների, ցելյուլիտի և մաշկի առաձգականության հետ։

Դեմքի հատվածում կարող են կիրառվել վակուումային լիմֆոդրենաժ, RF լիֆթինգ և լազերային թերապիա՝ մաշկի ձգվածության, երանգի և ընդհանուր որակի բարելավման, մանր կնճիռների ու ծակոտիների տեսանելիության նվազեցման նպատակով։