Անոթային աստղիկների Nd:YAG նեոդիմային լազերային հեռացում

Անոթային աստղիկների կուպերոզը փոքր անոթների լայնացումն է` առանց բորբոքային պրոցեսների: Արտահայտվում է մաշկի անոթների տեսանելի արտահայտվածությամբ։ Ունի փոքր ցանցի կամ սարդոստայնի տեսք: Սովորաբար լինում է կարմիր, կապույտ կամ մանուշակագույն: 

Արտահայտման ձևով անոթային աստղիկները կարող են տարբեր լինել: Որոշ դեպքերում նկատելի է միանգամից մի քանի տեսակ: Բուժումը սովորաբար նույնն է։ Կախված է բարդության և արտահայտման մակարդակից:

Առաջացման հիմնական պատճառներն են՝

• գենետիկ նախատրամադրվածություն,

• անոթներում արյան շրջանառության խանգարում,

• ծննդաբերություն,

• հորմոնալ խախտումներ,

• մենոպաուզա,

• անոթների պատերի ամրության նվազեցում,

• լյարդի և աղիների հիվանդություններ,

• էնդոկրինային համակարգի հիվանդություններ,

• արյան շրջանառության խանգարում:

Սովորաբար անոթային աստղիկները հայտնվում են դեմքի և ոտքերի շրջանում, իսկ ձեռքերի, պարանոցի, մեջքի վրա՝ հազվադեպ:

Անոթային աստղիկների լազերային հեռացումն այսօր ամենաշատ կրառվող մեթոդներից մեկն է: Լազերային ճառագայթի ազդեցությամբ տեղի է ունենում անոթների սոսնձում: Ճառագայթումն իրականացվում է այն հաճախականությամբ, որին արձագանքում են միայն վնասված անոթները: 

 Պրոցեդուրայի իրականացումը հակացուցվում է հետևյալ դեպքերում՝

• հղիություն և լակտացիայի շրջան,

• շաքարախտ,

• կապակցող հյուսվածքների հիվանդություն,

• վարակիչ հիվանդություններ:

Անոթային աստղիկները հաճախ համարվում են կոսմետիկ թերություն: Կա տարածված թյուր կարծիք, որ անոթային աստղիկներն անոթների լայնացում են առաջացնում, սկայան միշտ չէ, որ այդպես է: Կան դեպքեր, երբ ախտորոշվում է անոթների լայնացում, բայց անոթային աստղիկեր չկան:

Անոթային աստղիկների հայտնվելու դեպքում անհրաժեշտ է դիմել համապատասխան մասնագետի: Պետք է արվի ճիշտ ախտորոշում և ընտրվի բուժման ճիշտ մեթոդ: