Լիպոթերապիա
Տեղային ճարպային կուտակումների նվազեցում՝ ներարկումային մեթոդով
Լիպոթերապիան ներարկային մեթոդ է, որի ընթացքում հատուկ պատրաստուկներ ներմուծվում են տեղային ճարպային կուտակումների հատվածներում՝ ճարպային հյուսվածքի վրա նպատակային ազդեցություն ունենալու համար։
Պրոցեդուրայի նպատակը ընդհանուր քաշի նվազեցումը չէ, այլ փոքր, տեղային ճարպային կուտակումների և մարմնի կոնտուրի բարելավումը։
Պրոցեդուրայի ընթացքը
Բժիշկը գնահատում է ճարպային կուտակման տեղակայումը, ծավալը, մաշկի վիճակը և որոշում՝ արդյոք լիպոթերապիան տվյալ դեպքում նպատակահարմար է։
Հատվածը մաքրվում և ախտահանվում է։ Անհրաժեշտության դեպքում կիրառվում է տեղային անզգայացում։
Ընտրված պատրաստուկը ներարկվում է ճարպային հյուսվածքի համապատասխան շերտում՝ բազմաթիվ փոքր ներարկումների միջոցով։
Ներարկումների քանակը, խորությունը և դեղաչափը որոշվում են անհատական։
Պրոցեդուրայից հետո բժիշկը տալիս է անհատական ցուցումներ՝ կախված օգտագործված պատրաստուկից և մշակված հատվածից։
Ո՞ր հատվածներում կարող է կիրառվել
Կախված պատրաստուկի ցուցումներից՝ լիպոթերապիան կարող է կիրառվել փոքր տեղային ճարպային կուտակումների դեպքում, օրինակ՝
-կրկնակզակ,
-որովայնի փոքր տեղային կուտակումներ,
-ձեռքերի որոշ հատվածներ,
-ազդրերի և այլ փոքր տեղային ճարպային գոտիներ
Կիրառման հնարավոր հատվածները կախված են կոնկրետ պատրաստուկի գրանցված ցուցումներից։
Ո՞ր դեպքում է առավել նպատակահարմար
Լիպոթերապիան առավել նպատակահարմար է, երբ առկա է փոքր և տեղային ճարպային կուտակում, որը չի վերանում միայն կենսակերպի փոփոխությամբ։
Այն նախատեսված չէ որպես ընդհանուր քաշի նվազեցման համար
Ի՞նչ արդյունք է ակնկալվում
Ճիշտ ընտրված դեպքերում նպատակն է՝
նվազեցնել տեղային ճարպային կուտակումը • բարելավել մարմնի կոնտուրը • ավելի հստակեցնել մշակվող հատվածի ձևը։
Արդյունքը ձևավորվում է աստիճանաբար և կախված է օգտագործվող պատրաստուկից, ճարպային կուտակման ծավալից և օրգանիզմի անհատական արձագանքից։
Հաճախականություն
Պրոցեդուրաների քանակն ու միջակայքը որոշվում են օգտագործվող պատրաստուկի և բժշկի նշանակած պրոտոկոլի համաձայն։ Սովորաբար հաջորդ սեանսը չի իրականացվում անմիջապես, քանի որ անհրաժեշտ է ժամանակ՝ հյուսվածքների արձագանքն ու արդյունքը գնահատելու համար։
Վերականգնման շրջան
Լիպոթերապիայից հետո մշակված հատվածում կարող են առաջանալ՝
-այտուց,
-կարմրություն,
-զգայունություն,
-ցավոտություն,
-կապտուկներ
Դրանց արտահայտվածությունն ու տևողությունը կախված են նյութից և մշակված հատվածից։
Լիպոթերապիայի հնարավորությունն ու բուժման սխեման որոշվում են բժշկի խորհրդատվությունից հետո՝ հաշվի առնելով ճարպային կուտակման տեսակը, տեղակայումը և պացիենտի անհատական առանձնահատկությունները։
Լիպոթերապիա — տեղային ճարպային կուտակումների թիրախային աշխատանք՝ մարմնի կոնտուրի ավելի հստակ տեսքի համար։
Լիպոլիտիկ Երկիր Ուղղություն
Pluryal 🇱🇺 Լյուքսեմբուրգ Տեղային ճարպային կուտակումների նվազեցում, կոնտուրավորում
Lipolax+ 🇮🇹 Իտալիա Տեղային ճարպային կուտակումների նվազեցում
Lipolax VL 🇮🇹 Իտալիա Հատկապես փոքր/դեմքի և ենթակզակային գոտու տեղային կուտակումների համար
LipoLab V-Line 🇰🇷 Հարավային Կորեա Դեմքի կոնտուրավորում, տեղային ճարպային կուտակումների նվազեցում
FAT Apoptosis 🇰🇷 Հարավային Կորեա* Տեղային ճարպային հյուսվածքի նվազեցման նպատակով
